ജനങ്ങള്‍ക്കും ദേശത്തിനും വേണ്ടാത്ത ഈ പദ്ധതി ഭരണകൂടം നമ്മുടെമേല്‍ അടിച്ചേല്‍പ്പിക്കാന്‍ ശ്രെമിക്കുകയാണ്. ഒരു അതിജീവനത്തിന്‍റെ സമരമാണ് ആറന്മുളയില്‍ നടക്കുന്നത്. ഭരണാധികാരികള്‍ ആണ് ഇന്നു നമ്മുടെ ശത്രുക്കള്‍. നമ്മുടെ നാടിനെ നശിപ്പിക്കാന്‍ ശത്രുക്കളില്‍ നിന്ന് പണം വാങ്ങി അവര്‍ക്കു ഒത്താശ ചെയ്യുകായണവര്‍ . ഇന്ത്യകണ്ട ഏറ്റവും വലിയ നിയമലംഘനങ്ങള്‍ ആണ് ആറന്മുളയില്‍ നടക്കുന്നതെന്ന് .വികസനം നാടിന്‍റെ താല്‍പ്പര്യത്തിലാകണം അല്ലാതെ പ്രകൃതിയെയും ജനങ്ങളെയും നശിപ്പിച്ചുകൊണ്ടാവരുതു .പത്തനംതിട്ടയുടെ വികസനത്തെപറ്റി പറയുന്ന ഭരണാധികാരികള്‍ ആദ്യം ഇവിടുത്തെ അടിസ്ഥാന സൗകര്യങ്ങള്‍ വികസിപ്പിക്കട്ടെ അതിനു ശേഷം നമുക്കു ചിന്തിക്കാം ഇവിടെ ആഡംബരത്തിന്‍റെ വികസനം വേണോന്നു. സാധാരണക്കാരന്‍റെ ആവശ്യങ്ങള്‍ക്ക് നേരെ കണ്ണടച്ചുകൊണ്ട് സമ്പന്നന്‍മാര്‍ക്കുവേണ്ടിയുള്ള വികസനം ആണ് നമുക്കു ഇന്ന് കാണാന്‍ കഴിയുന്നത്‌ സര്‍ക്കാരും, കോര്‍പ്പറേറ്റ് കമ്പനികളും, ബഹുരാഷ്ട്ര കുത്തകകളും, കൈ കോര്‍ത്തുപിടിച്ചു, ജനങ്ങളുടെ ജീവിക്കാനുള്ള അവകാശത്തിന്മേല്‍ കടന്നു കയറ്റം നടത്തുകയാണ്. പ്രകൃതിയ്ക്ക് എപ്പോഴൊക്കെ ഭീഷണി ഉണ്ടായിട്ടുണ്ടോ അപ്പോഴൊക്കെ ദുരന്തം ഉണ്ടായിട്ടുണ്ട്. ആറന്മുളയിലും ഇതേ അനുഭവങ്ങള്‍ ഉണ്ടാകാമെന്ന് അധികാരികള്‍ മനസിലാക്കണം .
No comments:
Post a Comment